काठमाडौँ- रियल सोसिडाडले ३४ वर्षपछि स्पेनिस ‘कोपा डेल रे’ फुटबलको उपाधि जितेको छ ।
शनिबार राति भएको फाइनलमा एथ्लेटिक बिल्बाओलाई १-० गोल अन्तरले पराजित गर्दै सोसिडाडले सन् २०१९/२० उपाधि जितेको हो ।
सोसिडाडलाई च्याम्पियन बनाउन मिकेल ओयार्जाबलले निर्णायक गोल गरे । उनले खेलको ६३औँ मिनेटमा पेनाल्टीमा गोल गरेका थिए ।
यसअघि सोसिडाडले ३४ वर्षअघि सन् १९८७ मा पहिलो उपाधि जितेको थियो ।
पराजित बिल्बाओले भने यहिँ अप्रिलमा कोपा डेल रेको अर्को फाइनल खेल्नेछ । सन् २०२०/२१ को फाइनलमा बिल्बाओले बार्सिलोनासँग खेल्नेछ । फाइनल खेल अप्रिल १७ मा हुँदैछ ।
प्रतिक्रिया