काठमाडौँ– नेपाल कम्युनिस्ट पार्टी (नेकपा) दाहाल–नेपाल समूहका अध्यक्ष माधवकुमार नेपालले प्रधानमन्त्री केपी शर्मा ओलीलेले एकपछि अर्को अधिनायकवादी चरित्र देखाउन थालेको आरोप लगाएका छन ।

आमहड्तालको निरिक्षण गर्न काठमाडौंका विभिन्न स्थानमा पुगेका अध्यक्ष नेपालले अहिलेका कामचलाउ प्रधानमन्त्री ओली संविधान मिच्दै अघि बढेको र एकपछि अर्को अधिनायकवादी चरित्र देखाउन थालेको आरोप लगाएका हुन ।

नेपालले संवैधानिक आयोगका पदाधिकारीहरुको जबर्जस्ती शपथ गराइएको भन्दै आयोगमा गरिएको नियुक्ति प्रक्रिया नै गलत रहेको दाबी गरे ।

हेरौँ भिडियो

अधिनायकवादको विरुद्धमा जनतालाई विरोध जनाउनुस् भनेर आमहड्ताल आह्वान गरेको उनले बताए । उनले ओलीले प्रतिनिधिसभाको ‘हत्या’ गर्ने प्रयास गरेको र संविधान कुल्चने काम गरेको जिकिर गरे ।

आफूहरुको शान्तिपूर्ण आन्दोलनमा प्रहरीबाट हस्तक्षेप भएको भन्दै उनले आपत्ति जनाए ।