लसएञ्जल्स(अमर उजाला)– हलिउड फिल्म ‘ट्वाइलाइट’ अभिनेत्री क्रिस्टन स्टीवर्टले हालैमात्र आफ्नो इन्गेजमेन्टको खबर सार्वजनिक गरेर सबैलाई चकित बनाएकी छन् । उनी लामो समयदेखि डायलन मेयरसँग डेट गरिरहेकी छन् । क्रिस्टनले हालैमात्र डायलनसँग विवाहको लागि स्वीकार गरेकी थिइन् ।

दुवैले हालैमात्र इन्गेजमेन्ट गरेका छन् । यो कुराको खुलासा क्रिस्टनले ‘द हावर्ड स्टर्न शो’को बेला गरेकी हुन् । डायलन एक अभिनेत्री र लेखक हुन् । उनी ‘मोक्सी’, ‘रक बटम’ र ‘मिस २०५९’ जस्ता फिल्मका लागि लोकप्रिय छिन् ।

क्रिस्टनले आफूहरु चाँडै विवाह गर्न लागेको बताएकी छन् । ‘हामी साँच्चै नै विवाह गर्दैछौं । म प्रपोज गर्न चाहन्थें, त्यसकारण मलाई लाग्छ कि मैले जुन कुराहरु चाहिरहेकी छु, त्यो पुरा हुँदै गएको छ’ उनले भनेकी छन् ।

‘म जहिल्यै सोच्थें कि जब म आफ्नो प्रेमिकासँग बाहिर जान्छु, तब मेरो फोटो खिचिनेछ । तर म यो बारेमा कुरा गर्न चाहन्न थिएँ । मलाई दबाब महशुस हुन्थ्यो । तर एलजीबीटीक्यू समुदायले मलाई कुनै पनि दबाब दिएनन् । मानिसहरु हाम्रो फोटो र हामीमाथि लेखिएको लेखलाई पढिरहेका छन् । म त्यो बेला एक बच्चा थिएँ । मलाई यो सबै देख्दा अपमानित महशुस भएको थियो । तर अब समय बदलिएको छ । म इञ्जोय गरिरहेकी छु’, उनले भनेकी छन् ।

क्रिस्टन र डायलन सन् २०१९ देखि एकअर्कासँग डेट गरिरहेका छन् । दुवैको भेट कमन फ्रेण्ड्सका माध्यमबाट भएको थियो । त्यसपछि दुवैबीच सम्बन्ध प्रगाढ भयो र एक अर्कासँग डेट गर्ने निर्णय लिए । दुई वर्षको सम्बन्धपछि उनीहरुले इन्गेजमेन्ट गरे र चाँडै नै विवाह पनि गर्दैछन् ।

डायनलअघि क्रिस्टनले सुपर मोडल स्टेला मेक्सवेल र रोबर्ट पेटिन्सनसँग डेट गरेकी थिइन् । रोबर्ट र क्रिस्टनको जोडी मानिसले अत्याधिक रुचाएका थिए । दुवै फिल्म ‘ट्वाइलाइट’बाट नजिकिएका थिए ।

रोबर्टपछि क्रिस्टनले सुपरमोडल स्टेलासँग डेट गरिन् । तर यो सम्बन्ध लामो समयसम्म टिकेन ।

क्रिस्टनले आफ्नो करियरको सुरुवात ह्यारी पोर्टरको फिल्मबाट गरेकी थिइन् । त्यसपछि उनी ‘द ट्वाइलाइट सागा’, ‘पेनिक रुम’, ‘जजुरा’, ‘इद द लेण्ड अफ वुमन’, ‘द मेसेन्जर्स’, ‘एडभेञ्चरलेण्ड’ र ‘द रनावेज’ जस्ता फिल्ममा देखिइन् ।