काठमाडौँ– दार्चुलाका जयसिंह धामी प्रकरण भारतको विरोध गर्दै नेकपा (एकीकृत समाजवादी) निकट विद्यार्थीहरुले शुक्रबार काठमाडौंमा प्रदर्शन गरेका छन् । गत साउनमा दार्चुलाको ब्यास गाउँपालिकाका धामी तुइनबाट महाकाली नदी पार गरिरहेका बेला भारतीय सीमा सुरक्षा बल (एसएसबी)ले डोरी काटिएको थियो । त्यसपछि महाकालीमा बेपत्ता भएका धामीको अवस्था अझै अज्ञात छ ।

एकीकृत समाजवादीसम्वद्ध विद्यार्थीहरुले प्रदर्शनीमागमा भारतविरुद्ध नारावाजी गर्दै विरोध प्रदर्शन गरेका थिए । उनीहरुले धामीलाई न्याय दिनुपर्ने, पीडित परिवारले क्षतिपूर्ति पाउनुपर्ने लगायतका नाराहरु लगाएका थिए ।

यसैबीच दार्चुलामा बुधबार र बिहीबार भारतीय हेलिकोप्टर अनाधिकृत रुपमा नेपाली आकाशमा उडेको विषयमा नेपालले आपत्ति जनाएको छ।

जिल्ला प्रशासन कार्यालय दार्चुलाले बिहीबार भारतको पिथौरागढका डिस्ट्रिक म्यास्टिेड (डीएम)लाई पत्र लेखेर सो विषयमा आपत्ति जनाएको थियो । शुक्रबार भने भारतीय हेलिकोप्ट नेपाली आकाशमा प्रवेश नगरेको दार्चुलाका प्रमुख जिल्ला अधिकारी सिद्धराज ओझाले खबरहबलाई जानकारी दिए ।