काठमाडौँ – दक्षिण सुडानस्थित युएन अन्गर्ततको ‘अनमिस मिसन’मा तैनाथ नेपाली शान्ति सैनिकको अदली बदली शुरु भएको छ ।
नेपाली सेनाको सैनिक जनसम्पर्क निर्देशनालयका अनुसार नियमित प्रक्रियाअनुसार मंगलबार श्रीजंग गण ११ औँ डफ्फाको २३३ जना नेपाली शान्ति सैनिक युएन चार्टड फ्लाइटमार्फत मिसन इलाकातर्फ प्रस्थान गरेका छन् ।
यसैगरी, दक्षिण सुडानबाट आफ्नो कार्यकाल समाप्त गरेर नेपाली शान्ति सैनिकको टोली साउन २०, भदौ ९ र भदौ ३० गते नेपाल आइपुग्ने योजना रहेको सैनिक जनसम्पर्क निर्देशनालयले विज्ञप्ति जारी गर्दै जानकारी गराएको छ ।
नेपाली सेनाले कोभिड–१९ को महामारीका कारण शान्ति स्थापना कार्यलाई निरन्तरता दिइएको जनाएको छ ।
प्रतिक्रिया