आवश्यक सामग्री :

१ किलो वासमती चामल, १/२ किलो खसी या कुखुराको मासु बोसो छाला हड्डी नभएको, २०० ग्राम प्याज मसिनो काटेको, १/२ लि दूध, वदाम ५० ग्राम, काजु किसमिस ५०/५० ग्राम, ४/५ वटा सुकुमेल ल्वाङ अलाइची तेजपात दालचिनी १००/१००, अदुवा लसुन पिस १०० ग्राम, मटर दाना १०० ग्राम, राम्रो घिउ १०० ग्राम, वदामको तेल १ टेबुल चम्चा, विरियानी मसला, (बजारमा पाइन्छ) नुन, अजिनोमोटो इच्छाअनुसार केसर ५/६ पिस, १/४ चियाचम्चा बेसार ।

बनाउने तरिका : 

चामल सफा गरी भिजाउनु, मासु सफा गरी नुन राखी उसिन्नु र सानो पिस गर्नु, १०० ग्राम तेल राखी मासु पकाउनु र छुट्टै राख्नु । प्याज, काजु, किसमिस, बदाम, अदुवा, लसुन, फ्राई गरी छुट्टै राख्नु, अब घिउ तताई ल्वाङ सुकुमेलहरू फुराउनु, चामलको पानी तारी घिउमा भुट्नु र आवश्यक पानी राखी पकाउनु । चामलको पानी सुकेपछि मटर मासु र फ्राई गरेको प्याज राख्नु, काजु किसमिसले सजाई सर्भिस गर्नु ।

साभार : ‘सजिलो कुकिङ’ पुस्तकबाट