काठमाडौँ– मन्त्रिपरिषद्को बैठक अहिले बसिरहेको छ । प्रधानमन्त्री निवास बालुवाटारमा साँझ ६ बजेबाट मन्त्रिपरिषद बैठक जारी रहेको प्रधानमन्त्रीका प्रेस सल्लहाकार सूर्य थापाले जानकारी दिए ।
आजको बैठक नियमित भए पनि बैठकमा कोरोना भाइरससँग जुध्ने योजनाबारे छलफल हुने बताइएको छ ।
एसईई परीक्षाको वैकल्पिक व्यवस्था, कक्षा १२ लगायत विद्यालय र विश्वविद्यालय तहको परीक्षाबारेको विषय पनि आजको बैठकका एजेन्डा रहेका छन् ।
यसका साथै केही महत्वपूर्ण अध्यादेश ल्याउने समेत बैठकको तयारी छ ।
हरेक हप्ता सोमबार र बिहीबार मन्त्रिपरिषद्को नियमित बैठक बस्दै आएको छ ।
प्रतिक्रिया