काठमाडौँ- भारतमा थप ८९ हजार १९ जनामा कोरोना भाइरसको संक्रमण भएको छ ।
भारतमा एकै दिन संक्रमण पुष्टि भएको यो संख्या सन् २०२१ कै धेरै हो ।
यसअघि (शुक्रबार) चैत्र २० मा भारतमा यो वर्षको दोस्रो धेरै ८१ हजार ४४१ जनामा संक्रमण पुष्टि भएको छ ।
पछिल्लो वृद्धिसँगै त्यहाँ संक्रमितको संख्या १ करोड २३ लाख ९१ हजार १२९ पुगेको छ ।
यो समाचार तयार पार्दासम्म भारतमा १ करोड १५ लाख ६७ हजार ६० जना संक्रमणमुक्त भएका छन् । अब भारतमा सक्रिय संक्रमितको संख्या ६ लाख ५९ हजार ९२८ छ ।
यस्तै भारतमा कोरोना संक्रमणले मृत्यु हुनेको संख्या १ लाख ६४ हजार १४१ पुगेको छ ।
पछिल्लो २४ घण्टामा त्यहाँ थप ७१३ जनाको मृत्यु भएको छ ।
प्रतिक्रिया