काठमाडौं–अभिनेत्री उपासना सिंह ठकुरीले एजुकेसन एण्ड माइग्रेसन कर्नरको नयाँ शाखाको उद्घाटन गरेकी छन् । ठकुरी कर्नरको ब्राण्ड एम्बासडर हुन् ।

काठमाडौको नयाँ बानेश्वरमा रहेको नयाँ शाखाको उपासनासहित ‘मिस सुप्रा नेशनल २०२०’ सिमल कनौजिया र ‘मिस ग्राण्ड नेपाल २०१९’ निशा पाठकले उद्घाटन गरेका हुन् ।

उपासनाले लामो समयदेखि शिक्षा क्षेत्रमा आबद्ध एजुकेसन एण्ड माइग्रेसन कर्नरसँग जोडिन पाएकोमा प्रसन्नता व्यक्त गरिन । ‘यो सस्थाको विगतको कार्य नयाँ सोच सही लागेर मैले ब्राण्ड एम्बासडरका रुपमा काम गर्ने सहमति जनाएको हुँ’, उनले भनिन् ।

सस्थाका प्रमुख सुनील उप्रेतीले पछिल्लो समय यूबा दर्शकहरू माझ राम्रो क्रेज बनाउन सफल उपासना सिंह ठकुरीलाई ब्राण्ड एम्बासडरका रुपमा छनोट गर्न पाएकोमा खुशी लागेको बताए ।

कार्यक्रममा ‘मिस ग्राण्ड नेपाल २०१९’ निशा पाठक, ‘मिस सुप्रा नेशनल २०२०’ सिमल कनौजिया र ‘मिस पर्पोज २०१९’ विजेता निकिता कर्माचार्यले सस्थाको सफलताको बारेमा शुभकामना ब्यक्त गरेका थिए । कार्यक्रममा संस्थाका नवराज प्रसाई, नितेश उप्रेती र ईश्वरराज मैनालीले आफ्नो धारणा राखेका थिए ।