वाशिंटन- अमेरिका र चीनबीचको सम्बन्धमा तिक्तता बढीरहेका बेला अफगानिस्तानमा तैनाथ अमेरिकी सैनिकहरुमाथि आक्रमण गर्न चीनले गोप्य रुपमा नगद दिइरहेको खुलासा भएको छ।

चीनले अफगानीस्तानका गैरराज्य हतियारधारी समुहहरुलाई अमेरिकी सेनामाथी आक्रमण गराईरहेको जानकारी अमेरिकी राष्ट्रपति डोनाल्ड ट्रम्पलाई गराइएको अमेरिकी संचार माध्यमहरुले जनाएका छन्।

अमेरिकी समाचार संस्थान सीएनएनलाई अमेरिकी बरिष्ठ अधिकारीले गराएको जानकारी अनुसार ट्रम्पलाई डिसेम्बर १७ मा चीनले अमेरिकी सेनालाई आक्रमण गराउनेलाई पैसा दिने गरेको सूचनाबारे ब्रिफीङ गरिएको हो।

ट्रम्प प्रशासन अमेरिकी सेनामाथी आक्रमण गर्न चीनले नगद सहायता गरिरहेको गोप्य रिपोर्ट सार्वजनिक गर्ने अन्तिम तयारीमा रहेको समेत समाचारहरुमा जनाइएको छ।

अमेरिकी सेनामाथी आक्रमण गर्नेलाई नगद दिने गरेको खुलासा भएसंगै अफगानीस्तानमा चीनको रणनीतिक परिवर्तन देखाएको र दुई देशको सम्बन्ध अझ चिसो हुनसक्ने विश्लेषण गरिएको छ।

चीनले अमेरिकी सेनामाथी आक्रमण गर्नेलाई नगद दिनु चीनको आक्रामक रणनीतिक महत्वकांक्षाको एक हिस्सा रहेको अमेरिकी समाचार माध्यमहरुले विश्लेषण गरिएको छ।
स्रोतः सीएनएन