एक पटक रातको समयमा बुद्धले प्रवचन दिइरहेका थिए । प्रवचन सुन्नको लागि बसेको एउटा मानिस बारम्बार निदाइरहेको थियो । केही क्षणपछि महात्मा बुद्धले उनलाई बोलाएर सोधे, वत्स सुतिरहेका छौ ?’

छैन महात्मा, हडबडाएर उसले भन्यो ।

महात्मा बुद्धको प्रवचन चलिरह्यो । त्यो व्यक्ति पहिलाको जसरी उँघिरहेको थियो । महात्मा बुद्धले बीचबीचमा त्यही प्रश्न सोध्दै उसलाई जगाउँदै गरे, तर छैन महात्मा भनेर ऊ फेरि सुत्थ्यो ।

धेरै समयपछि बुद्धले फेरि सोधे, वत्स जीवित छौ ?
छैन महात्मा, हरेक पटकझैँ फेरि पनि उसले भन्यो ।
श्रोताहरुमा हाँसोको लहर दौडियो ।

महात्मा बुद्ध पनि मुस्कुराए, फेरि गम्भीर भएर भने, वत्स, निद्रामा तिमीले सही जवाफ दियौ । जो निद्रामा हुन्छ, ऊ मृतक समान हुन्छ ।

साभारः ‘प्रेरक प्रसङ्हरु’ पुस्तकबाट