काठमाडौँ– सशस्त्र प्रहरी बल नेपाल प्रधान कार्यालयमा बृक्षारोपण गरिएको छ । सशस्त्र प्रहरी महानिरीक्षक शैलेन्द्र खनालको प्रमुख आतिथिमा बृक्षारोपण कार्यक्रम सम्पन्न भएको हो ।

निजामती सेवा दिवसको अवसरमा राष्ट्रसेवक कर्मचारी बृक्षारोपण अभियानमा हातेमालो गर्दै सशस्त्र प्रहरी बल नेपाल प्रधान कार्यालय परिसरमा बृक्षारोपण कार्यक्रम आयोजना गरिएको थियो ।

कार्यक्रमा सहभागी महानिरीक्षक खनालसहितका विभिन्न व्यक्तिहरुले बृक्षारोपन गरेका थिए । उक्त अवसरमा अम्बा १५, कागती ४, नासपाती १, आरुबखेडा ३, एभोगाडो ३, सुन्तला २, तेजपत्ता २०, ओखर ३, रुद्राक्ष २, रिट्ठा १३, अनार १, जुनार ३, ज्याकारण्डा १४, मेसेडोनिया ८, स्याउ २ र धुपी १० गरी जम्मा १ सय ४ वटा बिरुवा रोपिएको छ ।

अभियानको रुपमा सुरु गरिएको बृक्षारोपण कार्यक्रम भाद्र १८ गतेदेखि २० गतेसम्म सशस्त्र प्रहरी बल नेपालको देश भरका विभिन्न एकाईहरुमा समेत सञ्चालन गरिने छ ।