वासिंगटन- बदलिँदो भूराजनीतिको अबस्थाका बीच चीनले पाकिस्तानमा थप लगानी वृद्धि गर्ने भएको छ ।
अन्तर्राष्ट्रिय अवस्था र प्रभावलाई मध्यनजर गर्दै पाकिस्तानको मनोबल बढाउन चीनले थप लगानी वृद्धि गर्ने भएको फ्रान्टिअर पोष्टले जनाएको छ ।
चीन र पाकिस्तान दुबै मुलुकमा भ्रष्टाचारको घटना बढेपछि चीनले लगानी रोकेको केही समयपछि फेरि पाकिस्तनामा लगानी वृद्धि गर्ने भएको हो । चीनले पाकिस्तानमा लगानी र ऋण थप उपलब्ध गर्ने प्रस्ताब गरेको एक चिनियाँ स्रोतलाई उद्धृत गर्दै फ्रन्टिअर पोष्टले बताएको छ ।
यद्यपि पाकिस्तानले अमेरिकाविरुद्ध निडर नीति लिने अपेक्षाका कारण चीनले पाकिस्तानमा आर्थिक सहायता र लगानी बढाइरहेको छ । केही समयअघि पाकिस्तानी विदेशमन्त्री शाह महमुद कुरेशीले अमेरिकालाई कुनै पनि नयाँ सैन्य आधार नदिने अभिव्यक्तिले चीनलाई सन्तुष्ट पार्न नसकेको बताइएको छ ।
विशेष गरी अफगानिस्तानबाट अमेरिकाले सेना फिर्ता गरेपछि अमेरिका र चीनसँग सन्तुलित सम्बन्ध राख्नेबारे पाकिस्तानले विचार गरिरहेको फ्रन्टिअर पोष्टले जनाएको छ ।
यसैबीच, अमेरिकाले सैन्य आधारका लागि पाकिस्तानसँग वार्ता गरिरहेको खुलासा भएको छ । अफगानिस्तानमा अमेरिकी मिसनलाई समर्थन गर्दै पाकिस्तानले हवाई क्षेत्र प्रयोग गर्न दिने सहमति गरेको पनि एसिया टाईम्सले जनाएको छ ।
पाकिस्तानमा चीनको बेल्ट एण्ड रोड परियोजनाअन्तर्गत चीन पाकिस्तान आर्थिक कोरिडोरको अपूर्ण परियोजना तथा ऋणको विवाद भए पनि पाकिस्तानले चीनसँगको सम्बन्धलाई महत्व दिँदै आएको छ ।
यद्यपि स्थानीय पाकिस्तानीहरुले भने चिनियाँ रणनीतिको विकास परियोजना अपारदर्शी, ऋणको फन्दा तथा आक्रामक कुटनीतिको रणनीति भएको भन्दै असन्तुष्टि जनाउँदै आएका छन् ।
प्रतिक्रिया