काठमाडौँ– एमाले वरिष्ठ नेता माधव नेपाल पक्षको स्थायी कमिटी सदस्यहरुको बैठकले एकता भाँड्ने अभिव्यक्ति नदिन नेताहरुको ध्यानाकर्षण गराएको छ ।
नेता नेपाल पक्षको स्थायी कमिटी बैठकले एकताका लागि प्रयास जारी रहेका बेला एकता भाँड्ने अभिव्यक्ति नदिन नेताहरुको ध्यानकर्षण गराएको हो ।
बैठकपछि एमाले नेता रघुजी पन्तले सार्वजनिक अभिव्यक्ति दिँदा शब्द चयनमा ध्यान दिन ध्यानाकर्षण गराएको बताए । बैठकमा एकताका लागि छलफलमा जुटेका नेताहरुले अहिलेसम्मको छलफलको अवस्थाका बारेमा जानकारी गराएको उनले बताए ।
नेता पन्तले अब छिट्टै एमाले अध्यक्ष केपीओली र वरिष्ठ नेता माधव नेपालबीच भेटवार्ता हुने जानकारी दिए ।
प्रतिक्रिया