काठमाडौँ– १६ औं संस्करणको युरोकप फुटबल अन्तर्गत जारी खेलमा स्वीट्जरल्याण्डविरुद्ध स्पेनले शुरुवाती अग्रता लिएको छ ।

क्वाटरफाइनलको पहिलो हाफमा स्वीट्जरल्याण्डविरुद्ध स्पेनले १-० गोल अन्तरको अग्रता बनाएको छ । खेल रुसको सेन्ट पिटर्सवर्ग स्टेडियममा जारी छ ।

स्पेनले खेलको आठौं मिनेटमा आत्मघाती गोल उपहारबाट अग्रता बनाएको हो ।

स्वीट्जरल्यान्डका डेनिस जाकारियाले आत्मघाती गोल गरे । स्पेनका जोर्डी अल्बाले बक्स बाहिरबाट प्रहार गरेको बल डेनिसलाई लाग्दै गोलमा परिणत भएको थियो ।

आजको खेलमा जित हासिल गर्ने टोली सेमिफाइनलमा पुग्नेछ । स्वीट्जरल्याण्ड साविक उपविजेता फ्रान्सलाई हराउँदै क्वाटरफाइनलमा प्रवेश गरेको हो ।

तीन पटकको च्याम्पियन स्पेनले क्रोएसियालाई हराएर अन्तिम आठको यात्रा तय गरेको थियो ।