काठमाडौँ- इटालियन कार्लो एन्सेलोटी स्पेनिस क्लब रियल मड्रिडको मुख्य प्रशिक्षक बन्ने पक्का भएको छ ।

रियलले इटालियन प्रशिक्षक एन्सेलोटीलाई मुख्य प्रशिक्षकमा नियुक्त गर्न लागेको हो ।

रियलको पहिलो रोजाईमा रहेका एन्सेलोटीलाई चाडैँ नियुक्त गरिने मार्काले जनाएको छ ।

मुख्य प्रशिक्षक जिनेदान जिदानले क्लब छाडेपछि रियलले पूर्वप्रशिक्षकसमेत रहेका एन्सेलोटीलाई ल्याउन लागेको हो ।

एन्सेलोटीले २०१३ देखि १५ सम्म रियलको टिम सम्हालेका थिए । हाल उनी इंग्लिस क्लब एभर्टनको मुख्य प्रशिक्षक रहेका छन् ।

उनले यसअघि युभेन्ट्स,मिलन, चेल्सी, पीएसजी र बार्यन म्युनिखको प्रशिक्षक भएर काम गरिसकेका छन् ।

एन्सेलोटी तीन पटक च्याम्पियन्स लिग जित्ने तेस्रो प्रशिक्षक पनि हुन् । उनले रियल मड्रिड र एसी मिलानमा रहँदा ती टिमलाई च्याम्पियन्स लिग जिताएका थिए ।