काठमाडौँ– मेलम्चीको पानी काठमाडौँ आएपछि नेपाली कांग्रेसले कृष्णप्रसाद भट्टराईलाई सम्झिएको छ ।

नेपाली कांग्रेसका प्रवक्ता विश्वप्रकाश शर्माले मेलम्चीको पानी काठमाडौँ आइपुग्दा काठमाडौँबासीले कृष्णप्रसाद भट्टराईलाई सम्झिरहेको बताएका छन्। उनले सरकार र मन्त्रीले भट्टराईलाई बिर्सिएपनि उपत्यकाबासीले पानी पिउँदै गरेको हरेक थोपामा सम्झिने विश्वास व्यक्त गरे।

प्रवक्ता शर्माले भने, ‘कृष्णप्रसाद भट्टराई मेलम्चीको हरेक थोपासँग गाँसिने नाम हो। उनलाई बिर्सेर मेलम्चीको कथा न शुरु हुने हो न मेलम्चीको कथा अन्त्य हुने हो। न मेलम्ची यहाँ आइपुग्ने हुन्थ्यो होला।’

शर्माले मेलम्चीको पानी काठमाडौँ आउनुले नेपालीको सामर्थ्य पुष्टि भएको पनि बताए। यसले आगामी दिनमा नविन परियोजना तर्फ देशलाई लैजानको निम्ति मार्ग प्रशस्त गर्ने उनले बताए।