ब्रिटिस उपनिवेशवादबाट अमेरिकालाई मुक्त पारिसकेपछि अमेरिकाका राष्ट्रपति जर्ज वासिङ्टनले आफ्नो सेना भङ्ग गर्ने घोषणा गरे ।

सेनापतिले भने— ‘श्रीमान्, सेना राष्ट्रको मेरुदण्ड हुन्छ । सेनाबिना राष्ट्रको कल्पना पनि गर्न सकिँदैन ।’

जर्ज वासिङ्टनले भने— कुनै राष्ट्रको मेरुदण्ड उसको सेना होइन । उसको सामूहिक शक्ति, समृद्धि तथा जनताको चरित्र बल हुन्छ । हामीले यस्तो प्रजाको निर्माण गर्नुपर्छ । जसले राष्ट्रको रक्षाका लागि आफ्नो उत्तरदायित्व सम्झोस् ।

हाम्रो राष्ट्रको प्रत्येक नागरिकमा यस्तो भावनाको विकास भयो भने सङ्कट आउँदा राष्ट्रका लागि रगतको अन्तिम थोपासमेत बगाइदिन सक्नेछन् । यसका लागि दृढ सङ्कल्प लिई सैनिकको भेषमा राष्ट्रिय झण्डामुनि लामबद्ध भएर उभिन सक्नेछन् ।’

साभार : ‘महान् व्यक्तिका प्रेरक प्रसङ्गहरु’ किताबबाट