लसएञ्जल्स– गायिका एली गोल्डिङले आफ्नो गर्भावस्थालाई लुकाउनका लागि ६ महिनासम्म पति केस्पर जोपलिङको कोटको सहारा लिएको खुलासा गरेकी छन् ।

डेलीमेल डट को डट यूकेमा प्रकाशित समाचार अनुसार एक ब्रिटिश कूकरी च्याट शोमा एलीलाई उनको गर्भावस्था कसरी चलिरहेको छ र कस्तो अनुभव भइरहेको छ भन्ने बारे सोधिएको थियो ।

‘मैले ६ महिनासम्म पतिको कोटलाई मसँगै राखें । त्यही कोटले आफ्नो पेटलाई छोपें’, उनले भनेकी छन् ।

एली अहिले आठ महिनाको गर्भवती छिन् । उनले लकडाउनले गर्दा आफ्नो गर्भावस्थालाई लुकाउन निकै सहयोग पुगेको बताएकी छन् ।

‘म कतै पनि निस्कन्न थिएँ । यद्यपि बाहिर हिँड्दा आफैंलाई कभर गर्थे । धेरै समस्या पनि भएन, किनकी लकडाउन थियो । मानिस कम थिए, कसैले देखेनन्’, उनले भनेकी छन् ।