काठमाडौँ– काठमाडौं मेयर कप एकदिवसीय क्रिकेट प्रतियोगिता चैत मसान्तसम्ममा आयोजना हुने भएको छ ।
मंगलबार प्रतियोगिता आयोजनाको एमओयु हस्ताक्षर गर्दै काठमाडौं महानगरपालिका र नेपाल क्रिकेट संघ (क्यान) ले प्रतियोगिता आयोजना हुने जानकारी गराएको हो ।
एमओयुमा क्यानका अध्यक्ष चतुरबहादुर चन्द र महानगरपालिका प्रमुख प्रशासकीय अधिकृत राजेश्वर ज्ञवालीले हस्ताक्षर गरेका हुन् ।
पहिलो पटक हुन लागेको काठमाडौं मेयर कप चैत भित्र आयोजना गरिसक्ने जानकारी दिइएको छ । प्रतियोगिता आयोजनाका लागि महानगरपालिकाले क्यानलाई ५० लाख सहयोग गर्ने सम्झौतामा उल्लेख गरिएको छ ।
प्रतिक्रिया