झापा- झापाको गौरादहमा मोटरसाइकल दुर्घटना हुँदा एक जनाको मृत्यु भएको छ ।
गौरादह गाउँपालिका–४ मा सोमबार साँझ दुईवटा मोटरसाइकल जुध्दा एक जनाको मृत्यु भएको हो ।
मे १० प ११६७ र मे ४ प २२७२ नम्बरको मोटरसाइकल आपसमा जुध्दा गम्भीर घाइते भएका गौरादह गाउँपालिका–५ का ३४ वर्षीय होमप्रसाद उप्रेतीको उपचारका क्रममा बी एण्ड सी अस्पताल विर्तामोडमा मृत्यु भएको प्रहरीले जनाएको छ ।
दुर्घटनामा गौरादह गाउँपालिका–३ का २६ वर्षीय अजय राजवंशी र २२ वर्षीय नन्दकिशोर राजवंशी घाइते भएका छन् । उनीहरूको बी एण्ड सी अस्पताल बिर्तामोडमा उपचार भइरहेको प्रहरीले जनाएको छ ।
प्रतिक्रिया