काठमाडौँ– नेपालमा गरिबी निवारणबारे भइरहेका प्रयासबारे समीक्षा गर्न सँयुक्त राष्ट्र संघका चरम गरिबी तथा मानवअधिकारसम्बन्धी विशेष प्रतिवेदक ओलिभर डे शुटर काठमाडौँ आएका छन् ।

सोमबार काठमाडौँ आएका उनी भेटघाट तथा छलफलहरुमा व्यस्थ छन् । उनले बुधबार राष्ट्रिय मानवअधिकार आयोगका अध्यक्ष र सदस्यहरुसँग छलफल गरेका छन् । नेपालमा मानवअधिकारको अवस्था र गरिवीबारे मानवअधिकार आयोगका पदाधिकारी र राष्ट्रसंघीय प्रतिनिधिमण्डलबीच छलफल भएको हो ।

राष्ट्रसंघीय प्रतिनिधिमण्डलले काठमाडौँमा रहँदा खाद्य संकट रोक्न सरकारले गरेका प्रयासहरुको अध्ययन गर्ने छ । दलित मुद्दाहरूमा र आर्थिक, सामाजिक र सांस्कृतिक अधिकारको सर्तको रूपमा राष्ट्रियता र नागरिकताबारेको राउन्ड पनि प्रतिनिधिमण्डलले छलफल गर्ने जनाइएको छ ।