सामान्यतया गर्भवती अवस्थामा धेरै महिलालाई वाकवाकी लाग्दछ । यो गर्भावस्थामा देखिने सामान्य समस्या हो । तर, गर्भावस्थामा किन वाकवाकी लाग्छ त ?

चिकित्सकका अनुसार गर्भावस्थामा वाकवाकी लाग्नुको प्रमुख कारण हो, एचसिजी हर्मोन । यो हर्मोनका कारण गर्भवती महिलालाई रिगंटा र वाकवाकी लाग्ने गर्दछ । जसलाई चिकित्सकीय भाषामा प्रेग्नेन्सी हर्मोन पनि भनिन्छ । यस्तो हर्मोनले निषेचित अण्डालाई पाठेघरको भित्तामा आएर बस्न सघाउँछ । वाकवाकी लाग्नुमा स्ट्रेस र थकान पनि प्रमुख कारण हुन् ।

गर्भावस्थामा वाकवाकी लाग्नुको अर्को कारण हो इस्ट्रोजिन हर्मोन । यो हर्मोन गर्भवती महिलामा बढेर जाँदा वाकवाकी लाग्दछ । सामान्यतया गर्भवती भएको ४ देखि ८ हप्ताबाट वाकवाकी लाग्न सुरु हुन्छ । यो क्रम १३ देखि १४ हप्तासम्म रहन्छ । कसै कसैमा भो यो भन्दा पनि बढी समयसम्म हुन सक्छ । कतिपयमा यो समस्या नदेखिन पनि सक्छ ।