मुम्बई(नवभारत टाइम्स)– बलिउड अभिनेत्री दिव्या भारतीको वर्षौअघि एक दुर्घटनामा निधन भएको थियो । तर आज पनि मानिसहरु उनलाई उत्तिकै प्रेम गर्छन् । आफ्नो अभिनय र सुन्दरताका कारण दर्शकलाई उनले मोहित पारेकी थिइन् । उनका पति साजिद नाडियाडवाला अहिले पनि दिव्यालाई उत्तिकै प्रेम गर्छन् ।

उनै दिव्याका पिता ओमप्रकाश भारतीको निधन भएको छ । उनको अन्तिम संस्कारमा साजिद पनि उपस्थित थिए । दिव्याले आफ्नो निधनको केही दिनअघि मात्र साजिदसँग १८ वर्षको उमेरमा गुपचुप रुपमा विवाह गरेकी थिइन् ।

दिव्याको निधनपछि साजिदले ओमप्रकाशलाई आफ्नो अभिभावकको रुपमा हेरचाह गर्दैै आएका थिए । ओमप्रकाशको शनिबार निधन भएको थियो । ओमप्रकाशको निधनपछि दिव्याको आमाको हेरचाह पनि साजिदले नै गर्नेछन् ।