काठमाडौं । इंग्लिस प्रिमियर लिग फुटबलमा वेस्ट ह्यामले एस्टन भिल्लालाई ४-१ गोल अन्तरले पराजित गरेको छ । गए राति भएको खेलमा वेस्ट ह्यामले १० खेलाडीमा सिमित एस्टन भिल्लालाई पराजित गरेको हो ।

खेलको सातौं मिनेटमा बेन जोनसनले गोल गर्दै वेस्ट ह्यामलाई अग्रता दिलाएका थिए। ३४ औं मिनेटमा ओली वाट्कीन्सले गोल गर्दै एस्टनलाई १-१ गोलको बराबरीमा ल्याए ।

३८ औं मिनेटमा डिक्लन राइसले गोल गर्दै वेस्ट ह्यामलाई २-१ को अग्रता दिलाए । त्यसपछि खेलको ५० औं मिनेटमा कोन्साले रातो कार्ड पाएपछि एस्टन १० खेलाडीमा समेटियो।

खेलको ८० औं मिनेटमा पाब्लो फोर्नल्स र ८४ औं मिनेटमा जारोड बोवेनले गोल गर्दै वेस्ट ह्यामलाई ४-१ को जित दिलाए ।

जितसँगै वेस्ट ह्याम १० खेलमा २० अंक जोड्दै लिगको चौंथो स्थानमा उक्लिएको छ । एस्टन १० अंक जोडेर १५ औं स्थानमा रहेको छ ।