काठमाडौँ– काठमाडौँ भ्रमणमा रहेका भारतीय विदेश मन्त्रालयका अनुराग श्रीवास्तावले परराष्ट्र सचिव भरतराज पौड्यालसँग शुक्रबार भेट गरेका छन् । भारतीय विदेश मन्त्रालयमा नेपाल मामिला हेर्ने सहसचिब श्रीवास्ताव नेपालमा भारतीय लगानीका परियोजना अनुगमन समितिको बैठकमा भाग लिन काठमाडौँ आएका हुन् ।

परराष्ट्र सचिव पौड्यालसँगको भेटमा द्विपक्षीय सम्बन्धका विषयमा छलफल भएको छ । उनीहरु आपसी हित तथा सहयोग आदानप्रदानका विषयमा कुरा भएको छ । भारतीय सहसचिव श्रीवास्तावले वाणिज्य सचिव दिनेश भट्टराई र अर्थसचिव मधु मरासिनीसँग पनि भेट गरेका थिए।

बुधबार भूकम्पपछिको पुनःनिर्माणमा भारतीय सहयोगका परियोजनाको अनुगमन समितिको बैठक भएको थियो । सो बैठक पुनर्निर्माण प्राधिकरणका सचिव सुशीलचन्द्र तिवारी र भारतीय विदेश सहसचिब श्रीवास्तावको सह अध्यक्षतामा भएको थियो । सो बैठकमा भारतीय लगानीका परियोजनाको काम सन्तोषजनक भएको भन्दै दुबै पक्षले सन्तुष्टि व्यक्त गरेका थिए ।