लसएञ्जल्स(अमर उजाला)– अमेरिकी अभिनेत्री एलिसन मेकलाई तीन वर्षको जेल सजाय सुनाइएको छ । उनीमाथि युवतीहरुलाई यौनधन्दामा जबरजस्ती लगाएको गम्भीर आरोप लागेको थियो । उनले युवतीमाथि ग्राहकसँग जबरजस्ती यौन सम्बन्ध राख्न दबाब दिने गरेकी थिइन् ।

यही आरोपअनुसार एलिसनमाथि ब्रुकलिनको संघीय अदालतमा सुनुवाई भएको थियो । उनको सजाय २९ सेप्टेम्बरबाट सुरु हुनेछ । एलिसनले अदालतमा आफ्नो कार्यप्रति पछुतो रहेकाले यो पछुतो आफ्नो जीवनको एउटा बोझ हुने बयान दिएकी थिइन् ।

सजाय सुनाउनु अघि एलिसनले पीडितहरु र उनकीहरुको परिवारसमक्ष रुँदै आफ्नो काम अपमानजनक, घृणित र अवैध भनेकी थिइन् । उने एनएक्सआईवीएम नेता कीथ रेनायरलाई पूर्ण रुपमा छोडेको बताएकी थिइन् । कीथ केही समय अघि नै यौन तस्करी र अन्य अपराधका लागि १ स्य २० वषको जेल सजाय काटिरहेका छन् ।

कीथले एनएक्सआइवीएम नामक एक संगठन बनाएका थिए र उनीबाहेक सबै महिला थिए । यो संगठनमा महिललाई जनावरभन्दा बढी दुव्र्यवहार गरिन्थ्यो । संगठनमा जोडिने महिलालाई कीथका साथ जबरजस्ती शारीरिक सम्बन्ध राख्न बाध्य पारिन्थ्यो । एलिनसन कीथलाई सहयोग गर्थिन् र अन्य युवतीलाई तस्करी गरेर संगठनमा राख्थिइन् ।

एलिसन डब्ल्यूबी टेलिभिजन सिरिज स्मलविले कार्यक्रमबाट लोकप्रिय भएकी थिइन् । उनले अधिकांश समय वेब सिरिजमा काम गरिन् । केहीमा उनले बोल्ड दृश्य पनि दिएकी थिइन् ।