काठमाडौँ– स्वास्थ्य तथा जनसंख्या मन्त्रालयले हालै चीनबाट प्राप्त अनुदानको खोप जेष्ठ नागरिकलाई प्राथमिकतामा राखेर जेठ २५ गतेबाट लगाइने जानकारी दिएको छ ।
मन्त्रालयले एक सूचना जारी गर्दै ६०–६४ वर्ष उमेर समूहकालाई उक्त कोरोना विरुद्धको खोप लगाउने जानकारी दिएको हो ।
मन्त्रालयले खोप लगाउन जिल्लास्थित कोभिड १९ खोप समन्वय तथा अनुगमन समितिले निर्धारण गरेको नजिकैको खोप केन्द्रमा नागरिकता वा उमेर खुल्ने कुनै पनि सरकारी कागजात वा वडा कार्यालयले दिएको सिफारिस अनिवार्य साथमा लिएर जान अनुरोध गरेका छ ।
खोप लगाउँदा दोस्रो मात्राको पनि सुनिश्चितता हुने गरी व्यवस्थापन गरिने मन्त्रालयले जानकारी दिएको छ ।
प्रतिक्रिया