वहुउपयोगी चिउरी समुद्र सतहबाट २०० मिटरदेखि १५०० मिटरसम्मका भिरपाखा, नदी किनार तथा खोचहरुमा पाइन्छ ।

नेपालमा प्रायः पूर्वदेखि पश्चिमसम्म सबै भेगमा पाइएता पनि विशेष गरी मध्ये र सुदूरपश्चिमी भेगमा बढी मात्रामा रहेको पाइन्छ ।

चिउरीको पात गाईबस्तुलाई खुवाउन काम लाग्छ भने डाँठ फर्निचर बनाउन सकिन्छ । त्यस्तै फूलबाट मौरीले मह बनाउँछ भने फलबाट विभिन्न औषधी तथा घ्यु बनाई दैनिक उपभोग्य रुपमा प्रयोग गर्न सकिन्छ ।

औषधीय महत्व

—जाडोको मौसममा हातगोडा फुटेमा, बाथको समस्याले सताएमा चिउरीको घ्यु लगाएर मालिस गर्नाले धेरै राम्रो गर्दछ ।

—चिउरीको गेडालाई पिसेर लगाउनाले शरीरमा जुका टाँसिएको बेला जुका आफै शरीरबाट झर्छ ।

—अनुहारमा दाग हटाउन प्रयोग गरिन्छ ।

—घुँडा, कुहिना, जोर्नीहरु दुखेमा च्युरीको घ्यु लगाएर मालिस गर्नाले आराम मिल्ने गर्दछ ।

साभार : ‘मेरो डाक्टर’ पुस्तकबाट