काठमाडौं– चीनले नेपाललाई कोभिड-१९ विरुद्ध थप ८ लाख डोज खोप उपलब्ध गराउने भएको छ ।
नेपालस्थित चिनियाँ दुतावासले सोमबार एक विज्ञप्ति जारी गर्दै थप सहुलियत अनुदानमा खोप उपलब्ध गराउने घोषणा गरेको हो ।
चीनले यसअघि नेपाललाई पाँच लाख डोज खोप उपलब्ध गराउने घोषणा गरिसकेको छ । योसँगै अब नेपाललाई चीनले १३ लाख सिनोफार्म खोप उपलब्ध गराउनेछ ।
सिनोफार्मलाई नेपाल सरकारले आपतकालीन प्रयोगका लागि अनुमति दिइसकेको छ । चीनले सोही खोप नेपाललाई उपलब्ध गराउने भएको हो । यो खोप कोरोना भाइरसविरुद्ध ८० प्रतिशतसम्म प्रभावकारी हुने जनाइएको छ ।
प्रतिक्रिया