हङकङ– हङकङ प्रहरीले विदेशमा पुगेका ३० प्रजातन्त्र समर्थित अधिकारकर्मीहरुलाई नियन्त्रणमा लिन खोजी कार्य सुरु गरेको छ ।

हङकङको सुरक्षा कानूनको उल्लंघन गर्दै विदेशमा पुगेका पूर्व सांसद टेड हु ची र साइक्सस बग्गियो ल्युङ चुंग-हाङलगायत ३० जनाको खोजी गरिरहेको छ ।

साउथ चाइना मर्निङ पोस्टको एक एक्सक्लुसिभ रिपोर्ट अनुसार टेड नोभेम्बरको अन्तमा हङकङबाट बेलयात भागेका थिए र ल्युङ नोभेम्बर २० मा संयुक्त राज्य अमेरिका उडेका थिए ।

“हङकङ प्रहरीले मोस्ट वान्टेडको सूचीमा राखेर उनीहरुको खोजी कार्य सुरु गरेको छ । तर, उनीहरु सहरमा भने छैनन् । “तीमध्ये धेरैजसो युरोप, संयुक्त राज्य अमेरिका र ताइवानमा रहेका छन्,” एक प्रहरीले जानकारी दिए ।

हालसम्म चिनियाँ कम्युनिष्ट पार्टीले हङकङमा नयाा सुरक्षा कानुन लागु गरेदेखि धेरै प्रजातन्त्र समर्थक कार्यकर्ताहरू पक्राउ परेका छन् ।

एक स्रोतको उद्धृत गर्दै साउथ चाइना मर्निङ पोस्टले भनेको छ, “विदेशमा रहेका ३० प्रजातन्त्र समर्थित अधिकारकर्मीहरु सहति धेरैले नयाँ कानुन बनाउनु भन्दा अघि वा पछि कानुनी आप्रवासन माध्यमबाट सहर छोडेका थिए ।”

हङकङमा चीनले नयाँ सुरक्षा कानुन लागु गरेयता हङकङ छोड्नेहरुको संख्या बढ्दै गएको छ । चीनले सन् २०१९ को प्रजातन्त्र समर्थित आन्दोलनमा सहभागी भएकाहरुलाई नियन्त्रणमा लिने गरेको छ ।