एजेन्सी- कोरोना भाइरसको महामारीले शिथिल भएको अर्थतन्त्र उकास्न भन्दै क्यानडाले १२ लाख आप्रवासी भित्र्याउँने तयारी गरेको छ ।

क्यानडाका संघीय आप्रवासन मन्त्री मार्को मेन्डिसिनोले आगामी ३ वर्षमा १२ लाख आप्रवासी भित्र्याउने योजना सार्वजनिक गरेका हुन् ।

कोरोनाले शिथिल बनाएको अर्थतन्त्र उकास्नमा आप्रवासीले ठूलो टेवा पुर्‍याउँने भन्दै उनले उक्त योजना सार्वजनिक गरेका हुन्।

अर्थतन्त्र उकास्न आवश्यक पर्ने ठूलो जनशक्ति आप्रवासनद्वारा परिपूर्ति गरिने उनले बताएका छन् ।

सन् २०२१ मा ४ लाख १ हजार, २०२२ मा थप ४ लाख ११ हजार र २०२३ मा ४ लाख २१ हजार आप्रवासीलाई पीआर अनुमति दिइने गरी तयारी थालिएको मन्त्री मेन्डिसिनोले बताए ।