काठमाडौं- धरानस्थित बीपी कोइराला स्वास्थ्य विज्ञान प्रतिष्ठानमा उपचाररत एक कोरोना संक्रमितको मृत्यु भएको छ ।

सिरहा, मिर्चैया-६ का ६५ वर्षीय पुरुषको कोरोनाले आज राति ८ः४५ बजे मृत्यु भएको अस्पतालका प्रवक्ता निदेश सापकोटाले जानकारी दिए ।

उनलाई भदाै ९ गते कोरोना संक्रमण पुष्टि भएको थियो । ती पुरुष बिराटनगर मेडिकल कलेजबाट रेफर गरिएका बिरामी हुन् ।

कोरोना संक्रमित उनीमा  १० दिनदेखि ज्वरो, खोकी, श्वास फेर्न गाह्रो हुने लगायका समस्याले भेन्टिलेटरमा राखेर उपचार गर्नुपर्ने अवस्था आएपछि विराटनगर अस्पतालले बीपी प्रतिष्ठानमा रेफर गरेको थियो ।

भदौ १० गते साँझ ७ बजे बीपी प्रतिष्ठानमा भर्ना भएका उनको उपचारका क्रममा आज मृत्यु भएको डा. सापकोटालेे बताए ।

उनी मधुमेह र उच्च रक्तचापका बिरामी समेत थिए ।