रुपन्देही- कोरोना भाइरस संक्रमणको जोखिम बढेसँगै रुपन्देहीमा निषेधाज्ञा भदौको २० गतेसम्म लम्ब्याइएको छ ।
जिल्ला संकट व्यवस्थापन केन्द्रको बैठकले रुपन्देहीमा जारी निषेधाज्ञा भदौको २० गते राति १२ बजेसम्म कायम राख्न सिफारिस गरेको छ ।
जिल्लामा सङ्क्रमणको दरको बढीरहेकाले निषेधाज्ञा कायम राख्न बैठकले सिफारिस गरेको हो । यसअघि जारी गरिएको निषेधाज्ञाको आदेश आइतबार राति १२ बजेसम्म कायम रहेको छ ।
पछिल्लो २४ घण्टामा रुपन्देहीमा ६१ जनामा कोरोना सङ्क्रमण पुष्टि भएको स्वास्थ्य तथा जनसंख्या मन्त्रालयले बताएको छ । रुपन्देहीमा ८८० सङ्क्रमित छन् भने ९ जनाको कोरोना सङ्क्रमणका कारण ज्यान गएको छ ।
प्रतिक्रिया