काठमाडौं – मुकुन भुसाल र मेनुका प्रधानको शीर्ष भूमिका रहने फिल्म ‘गणपति’ निर्माणको घोषणा गरिएको छ । मंगलवार राजधानीमा आयोजित कार्यक्रममा फिल्मको घोषणा गरियो ।

सो फिल्ममा, पटकथा तथा संवाद तथा निर्देशन सविन अधिकारीको रहनेछ । फिल्मलाई लक्ष्मण थापा, विज्ञान केसी र अरविन्द्र गिरीले फिल्म निर्माण गर्नेछन् ।

फिल्ममा मुकुन र मेनुकाका अलावा सूर्यमाला खनाल, जयनन्द लामा, प्रकाश घिमिरे, राजाराम पौडेल, पुष्कर गुरुङ, अंशु मानन्धर, कालु राना, अर्जुन गुरुङ, श्रीदेव वि.एल,शुशील पोखरेललगायतका कलाकारको समेत अभिनय रहेनछ ।

‘अ बिग म्यान फिल्मस्’को ब्यानरमा निर्माण हुने फिल्मलाई तनहुँको बन्दीपुर गाउँपालिका थारुबासमा छायांकन गरिने जनाइएको छ ।

फिल्मका निर्देशक सविन अधिकारीले मान्छे र भगवानबीचको फरकलाई फिल्ममा देखाइने बताए । फिल्ममा शीर्ष भूमिका निभाउने मुकुन भुसाल र मेनुका प्रधानले कथा मन परेर फिल्म निर्माण गर्न लागेको प्रतिक्रिया दिए ।