मुम्बई – टाइगर श्राफ र दिशा पटानीले कहिल्यै पनि आफ्नो सम्बन्धका बारेमा खुलेर बोलेका छैनन् ।

तर यी दुई एकअर्कालाई समर्थन गरिरहेका छन् ।

टाइगर र दिशा सँगै घुम्न जान्छन् । फिल्म हेर्न जान्छन् । विदा मनाउन पनि सँगै जान्छन् तर प्रेमसम्बन्धमा रहेकोबारे खुलाउँदैनन् ।

यी दुईले सार्वजनिक रुपमा खुलेर कुरा गरेका छैनन् । किनकि, उनीहरू आफ्नो सम्बन्धलाई लुकाएर राख्न चाहन्छन् ।

मिडिया रिपोर्टसका अनुसार यो जोडीलाई टाइगर र दिशाको परिवारले पनि स्वीकार गरिसकेको छ । आजभोलि चर्चा चल्न थालेको छ कि, यी दुईले अब छिट्टै बिहे गर्नेछन् । टाइगर र दिशाले कहिले गर्छन् भन्नेमा उनका फ्यानमा पनि चासो छ ।

यी दुईलाई नजिकबाट चिन्नेहरु भन्छन् कि, टाइगर र दिशा दुवै यो सम्बन्धलाई लिएर निकै सिरियस छन् । तर, बिहे उनका लागि अझै पनि टाढाको कुरा हो । दुवै अझै जवान भएकाले तत्काल बिहे गर्न पनि चाहँदैनन् ।

दुवैले जीवनका बारेमा खुलेर मजा लिइरहेका छन् । उनीहरु घर सम्हाल्न र परिवार बढाउन अहिले चाहँदैनन् । यी दुईले आफ्नो करिअरलाई फोकस गरिरहेका छन् ।

अझ खुशीको कुरा के छ भने, दुवैले छोटो समयमा नै पैसा कमाइरहेका छन् ।

छोटो समयमा नै टाइगर बलिउडमा जमिसकेका छन् । उनका फिल्मले पनि धमाका मच्चाइरहेका छन् ।

टाइगर र दिशाका नजिकका आफन्तका अनुसार यी दुईले बिहे त गर्नेछन् । तर, यसका लागि समय लाग्नेछ । सन् २०२१ मा त उनीहरुले बिहे नगर्ने लगभग पक्का भइसकेको छ ।