एजेन्सी- नाइजेरियाको अबुजा शहरमा सुरक्षाकर्मीले गरेको कारबाहीमा कम्तीमा नौ जनाको मृत्यु भएको छ ।
उनीहरु सशस्त्र समूहका व्यक्ति थिए वा को थिए भन्ने बारेमा भने केही पनि बताइएको छैन । प्रहरीले उनीहरुको कारबाहीका क्रममा ज्यान गएको बताएको छ ।
अधिकारीहरुले अबुजा शहरमा केही समय अघिदेखि नै सशस्त्र समूहले स्थानीय नागरिकलाई दुःख दिएको बताएका थिए । सो शहरमा रातिको समयमा बन्दुकधारीहरु लुट्नका लागि पनि आउने गरेको दाबी गरिएको छ ।
कादुना राज्यका प्रहरी प्रमुख स्यामुअल अरुवानले सो क्षेत्रमा प्रहरीले गरेको कारबाहीका क्रममा मारिएकाहरुको पहिचान भइरहेको जनाएका छन् ।
प्रतिक्रिया