बलिउडका चर्चित अभिनेता आशुतोष राणालाई दर्शकले निकै खतरनाक खलनायक मान्दछन् । उनको अभिनय र खतरनाक लुक्स चलचित्रको कथामा खलपात्रमा निकै सुहाउँदो मानिन्छ । आशुतोषको यहि लुक्स र अभिनयले उनले दुई पटक फिल्मफेयर अवार्ड पाएका छन् ।

आशुतोष राणाको वास्तविक नाम आशुतोष नीखरा हो । गूगल सर्चमा समेत उनको नाम आशुतोष नीखरा नै देखाउने गरेको छ । खासमा आशुतोषको थर राणा होइन, नीखरा हो । त्यसोभए किन आशुतोष राणा कसरी भयो त ? आशुतोषको बुवाको नाम रामनारायण नीखरा हो । उनले पिता भक्तिको कारण पिताको नाम अर्थात रामको रा र नारायणको ‘ना’ जोडेर ‘राणा’ बनाए । उनी पिताको नाम जोडेकै कारण आफू सफल भएको मान्दछन् ।

आशुतोषले जीवनको शुरुवातामा बालक उमेरबाटै गाउँको रामलीलामा रावणको भूमिका निर्वाह गर्दथे । अहिले उनी अक्षय कुमारको आगामी चलचित्र पृथ्वीराजमा जयचन्द नामको भूमिका निर्वाह गर्दैछन् । आशुतोष राणाले रेणुका शहाणेसंग विवाह गरेका छन् । यो जोडी सामाजिक सञ्जालमा निकै सक्रिय रहने गरेको छ।