एजेन्सी- इंग्लिस प्रिमियर लिग फुटबलमा टोटनहम र चेल्सीले बराबरी खेलेका छन् ।
आइतबार राति भएको खेलमा चेल्सी र टोटेनहमले गोलरहित बराबरी खेल्दै अंक बाँढेका हुन् ।
चेल्सीको मैदानमा भएको खेलमा दुबै टोलीले पाएको मौकालाई सदुपयोग गर्न नसक्दा बराबरीमा रोकिएको हो ।
खेलमा घरेलु टिम चेल्सीले बल पोजिसनमा पकड जमाएको थियो । तर, गोल गर्न सकेनन् ।
बराबरीसँगै टोटेनहम लिगको शीर्ष स्थानमा उक्लिएको छ । टोटेनहमले १० खेलमा २१ अंक जोडेको छ ।
शीर्ष स्थानमा उक्लने मौका गुमाएको चेल्सी भने तेस्रो स्थानमा रहेको छ । उसको १० खेलमा १९ अंक छ ।
प्रतिक्रिया