काभ्रे- काभ्रेमा पछिल्लो २४ घण्टामा थप दुई जना कोरोना संक्रमितको मृत्यु भएको छ ।

चौरीदेउरालीका ५१ वर्षिय पुरुष र बनेपाका ३९ वर्षिय पुरुषको मृत्यु भएको जिल्ला स्वास्थ्य कार्यालयले जनाएको छ ।

स्वास्थ्य कार्यालयको तथ्यांक अनुसार आज थप ४४ जनामा कोरोना संक्रमण थपिएका छन भने ५ जना डिस्चार्ज भएका छन् ।

नयाँ थपिएका मध्ये बनेपाका २५, धुलिखेलका ११, पनौतीका ४, नमोबुद्धका १, मण्डनदेउपुर १, भुम्लु १ र बेथानचोकका १ जना रहेका छन् ।

आजसम्मको तथ्यांक अनुसार काभ्रेमा  कोरोना संक्रमितको जम्मा संख्या १ हजार ६०६ रहेको छ । संक्रमित मध्ये १ हजार १०३ जना निको भएका छन् ।

जिल्लामा ३२ जनाको कोरोना संक्रमणबाट मृत्यु भएको मध्ये ११ जना भने अन्य जिल्लाका रहेका छन् । काभ्रेका मात्र २१ जनाको मृत्यु भएको जिल्ला स्वास्थ्य कार्यालय प्रमुख नरेन्द्रकुमार झाले जानकारी दिए ।

यस्तो छ तथ्यांक