काठमाडौं– भेरी अस्पताल नेपालगंजमा गरिएको परीक्षणमा थप ३६ जनामा कोरोना संक्रमण पुष्टि भएको छ ।
अस्पतालले एक विज्ञप्ति मार्फत थप ३६ जनामा कोरोना संक्रमण पुष्टि भएको जनाएको हो ।
नयाँ थपिएका संक्रमित मध्ये एकजना क्वारेन्टाइनमा आत्महत्या गरेका बर्दियाका ३४ वर्षका पुरुष समेत रहेका छन् ।
यस्तै अन्य ११ जना संक्रमितहरु आन्तरिक राजस्व कार्यालय नेपालगञ्जमा कार्यारत कर्मचारी तथा त्यहा सेवा लिन आएका कर्मचारी रहेका छन् ।
नयाँ थपिएका संक्रमित मध्ये २० जना बाँके, ८ जना बर्दिया, २ जना सुर्खेत, एकजना प्युठान, एकजना अर्घाखाँची, एकजना कञ्चनपुर, एकजना सर्लाही र २ जना दाङका छन् । उनीहरु मध्ये ९ जना महिला र अन्य पुरुष छन् ।
प्रतिक्रिया