काठमाडौं– नेपालका सात जिल्लामा पाँच सयभन्दा बढी कोरोना संक्रमित रहेको स्वास्थ्य तथा जनसंख्या मन्त्रालयले जानकारी दिएको छ ।

मन्त्रालयका अनुसार हालसम्म प्रदेश नम्बर २ का रौतहट,महोत्तरी र सर्लाही, प्रदेश नम्बर ५ का कपिलवस्तु र दाङ, कर्णाली प्रदेशको दैलेख र सुदुरपश्चिम प्रदेशको कैलाली जिल्लामा पाँच सय भन्दा बढी कोरोा संक्रमित देखिएका छन्।

हालसम्म रौतहटमा एक हजार ३ सय ३५ जना, महोत्तरीमा ६ सय ७४, सलार्हीमा ६ सय ५२, कपिलबस्तुमा ७ सय ४५, दाङमा ५ सय ९०, कैलालीमा ५ सय ७३ र दैलेखमा ७ सय ६१ जनामा संक्रमण देखिएको मन्त्रालयले जनाएको हो।

नेपालमा हालसम्म ७७ वटै जिल्लामा कोरोना संक्रमण देखिएको छ।

स्वास्थ्य मन्त्रालयका अनुसार हालसम्म १३ हजार ५ सय ६४ जनामा कोरोना संक्रमण देखिएको छ। संक्रमण देखिएकामध्ये २९ जनाको मृत्यु भएको छ भने ३ हजार १ सय ९४ जना संक्रमणमुक्त भइ घर फर्किएका छन् ।