काठमाडौं- विदेशमा अलपत्र नेपाली ल्याउने विषयमा मन्त्रिपरिषद् बैठकमा छलफल भएको छ ।

बालुवाटारमा जारी मन्त्रिपरिषद् बैठकमा विदेशमा रहेका नेपाली ल्याउने विषयमा छलफल भइरहेको प्रधानमन्त्रीका प्रेस सल्लाहकार सूर्य थापाले जानकारी दिए ।

उनका अनुसार सुरक्षा परिषदको बैठक लगत्तै मन्त्रिपरिषद् बैठक सुरु भएको हो। बैठकमा विदेशका नेपाली ल्याउन सरकारले गरेको तयारी र थप व्यवस्थापनको विषयमा छलफल भइरहेको छ।

विश्वव्यापी महामारीको रुपमा फैलिएको कोरोना भाइरस (कोभिड–१९) संक्रमणपछि समस्यामा परेका नेपालीलाई ल्याउने तयारी सरकारले गरेको छ।

विदेशमा भिसाको म्याद सकिएका, अलपत्र परेका र रोजगारी गुमेका नेपालीलाई आवश्यकता हेरेर स्वदेश फर्काउने सरकारको तयारी छ।