हेलम्बु– आफ्नी ३० वर्षीया श्रीमतीको हत्या गरेको अभियोगमा सिन्धुपाल्चोक प्रहरीले १ जना पुरुषलाई पक्राउ गरेको छ ।
पक्राउ पर्नेमा हेलम्बु गाउँपालिका-७ बंगारे बस्ने ३५ वर्षीय राम बहादुर तामाङ छन् । तामाङले ३० वर्षीया श्रीमती अस्मिता तामाङको हत्या गरेको अभियोगमा बिहीबार दिउँसो पक्राउ गरिएको इलाका प्रहरी कार्यालय हेलम्बुले जानकारी दिएको छ ।
तामाङले आफ्नै श्रीमतीलाई काठको किला प्रहार गरी हत्या गरेको भन्ने खबर प्राप्त हुनासाथ इलाका प्रहरी कार्यालय हेलम्बु र इलाका प्रहरी कार्यालय मेलम्चीबाट खटिएको प्रहरीले उनलाई पक्राउ गरेको हो ।
प्रहरीले घटनाको सम्बन्धमा थप अनुसन्धान भइरहेको जनाएको छ ।
प्रतिक्रिया