काठमाडौं– कोरोना भाइरसको जोखिम फैलिन नदिन सरकारले हालसम्म विदेशबाट आएका तथा उनीहरुको सम्पर्कमा रहेका  ४१ हजार बढीको कन्ट्याक्ट ट्रेसिङ गरेको जनाएको छ ।

स्वास्थ्य मन्त्रालयका प्रवक्ता डाक्टर विकास देवकोटाले सोमबार पत्रकार सम्मेलनमाफर्त सरकारले स्थानीय तहमा रहेका र विदेशबाट आएका तथा उनीहरुको सम्पकरमा रहेका ४१ हजार १ सय ४ जना व्यक्तिो नामावली तयार पारेको जानकारी दिएका हुन् ।

‘यो नामावाली बाहिरबाट आउनुभएका व्यक्तिहरुको ट्रेसिङ गरेर उहाँहरुको सबै विवरण अध्यावधिक गरिएको अवस्था छ,’ डा देवकोटाले भने, ‘यसले गर्दा भोलिका दिनमा उहाँहरुलाई कसैलाई पनि कुनै कोरोना सम्बन्धी लक्षण देखिएमा सम्पर्क गर्न र उपचारका लागि सहज हुनेछ ।’

स्वास्थ्य मन्त्रालयले विदेशबाट आउने अन्य व्यक्तिको नामावली संकलन गर्ने काम पनि जारी राखेको पनि प्रवक्ता देवकोटाले बताए ।

उनले पाटनमा मृत्यु भएका एक युवक र वीर अस्पतालमा मृत्यु भएका एक महिला र एक पुरुषको नमूना परीक्षणको काम भइरहेको पनि जानकारी दिए ।

स्वास्थ्य मन्त्रालयका प्रवक्ता डाक्टर विकास देवकोटाले नेपालमा हालसम्म ९ सय ९३ जनाको कोरोना संक्रमण परीक्षण गरिएको बताएका छन् ।

कोरोनाको विषयमा गरिने नियमित पत्रकार सम्मेलनमाफर्त मन्त्रालयका प्रवक्ता देवकोटाले नेपालमा हालसम्म ९ सय ९३ जनाको कोरोना परीक्षण गरिएको बताएका हुन् ।