गौर- मौलापुर नगरपालिकाले ज्यालादारीमा आश्रित गरिब असहाय परिवारका लागि राहत प्याकेजको घोषणा गरेको छ ।

कोरोना भाइरसको संक्रमण रोक्न सरकारले मुलुकमा ‘लकडाउन’ लागू भएसंगै देशैभरका नागरिक घरभित्रै बस्न बाध्य भएपछि ज्यालादारीमा आश्रित गरिब परिवारलाई खानपिनमा समेत आफत परेपछी नगरपालिकाले नगरवासीको पीडामा मलहम लगाउने प्रयास गरेको छ ।

नगरपालिकाले आफ्नो क्षेत्रमा रहेका सम्पूर्ण गरिब तथा असहाय परिवारलाई कुनै अभाव हुन नदिन विशेष राहत प्याकेजको घोषणा गरेको हो ।

नगरपालिकाभित्र रहेका ज्यालादारीमा आश्रित करिब ८ सय घरपरिवारका लागि घोषणा गरिएको राहतअन्तर्गत हरेक परिवारलाई २० किलो चामल, ४ किलो दाल र नगद ५ सय रुपैयाँ प्रदान गर्न लागिएको हो ।

लकडाउन सफल पार्न ज्यालादारीमा आश्रित गरिब असहाय परिवारको लागि राहत घोषणा गरेको नगरप्रमुख रीनाकुमारी साहले बताइन् । नगरप्रमुख साहले कुनै पनि हालतमा नागरिकलाई भोकबाट मर्न नदिने जानकारी दिइन ।

अन्य स्थानीय तहहरु वेवास्ता गरेको आलोचना भइरहेको अवस्था मौलापुर नगरपालिकाको यो कदम सराहनीय रहेको भन्दै प्रसंशा भइरहेको छ । नगरवासीप्रति जिम्मेवार भइ सरकारको कदमलाई सघाउने मौलापुर नगरपालिकाले गरेको कार्य उदाहरणीय छ ।