सवारी जामका कारण हैरानी खेप्नु परेको समस्या नेपालमा नौलो होइन ।

मुख्य चोकहरुमा हुने जामलाई लिएर बेलाबखतमा समाचारहरु सार्वजनिक हुने गरेको छ । केही वर्षअघि सम्म कलंकीको जाम थानकोटसम्म पुगेको भन्दै सरकारको आलोचना हुने गरेको थियो ।

तर कलंकिमा अन्डरपास बनेपछि त्यो समस्या समाधान भएको छ । तर अहिले कोटेश्वर जडिबुटी सडक खण्डको जामले त्यस क्षेत्रका मानिस हैरान भएका छन् ।

कतिपयले विदेशमा जाम नहुने भन्दै सरकारको आलोचनामा गर्ने गरेका छन् । तर एक अध्ययनका अनुसार भने विश्वका केही सहरमा निकै ठूलो जाम हुने गरेको छ । जसमा छिमेकी मुलुक भारत शीर्ष स्थानमा परेको छ ।

‘शहरी यातायाता’ का बारेमा काम गर्ने एक संस्था ‘टमटम’ ले गरेको अध्ययन अनुसन्धानको नवौं संस्करण प्रकाश भएको छ जसमा सबैभन्दा भीडभाड र ट्राफिक भएको शहरहरुको नाम उल्लेख गरिएको छ ।

सर्वेक्षणका अनुसार भीडभाड र जाम हुने शहरको टप १० मा भारतका चार शहर परेका छन् ।

भारतको बेग्लुरु पहिलो स्थानमा रहेको छ भने फिलिपिन्सको मनिला दोस्रो नम्बरमा परेको छ ।

तेस्रो स्थानमा कोलम्बियाको बोगोटा, चौथोमा भारतको मुम्बइ, पाँचौमा भारतकै पुणे, छैठौंमा रसियाको मस्को, सातौमा पेरुको लिमा, आठौंमा भारतको नयाँ दिल्ली, नवौंमा टर्कीको स्तानबुल परेका छन् । १० औंमा इन्डोनेशियाको जाकर्ता रहेको छ ।