काठमाडौं- नेपाल भ्रमणमा आएका चिनियाँ रक्षामन्त्री वेइ फेङहे आइतबार साँझ स्वदेश फर्किएका छन् ।

बिहान १० बजे काठमाण्डौ आएका उनी दिनभरि भेटवार्तामा व्यस्त रहे ।

साँझ उनले शीतल निवासमा राष्ट्रपति विद्यादेवी भण्डारी र बालुवाटरामा प्रधानमन्त्री केपी शर्मा ओलीसित शिष्टाचार भेटवार्ता गरेका थिए । भेटमा दुईदेशबीच भएका सम्झौता कार्यान्वयन लगायतका विषयमा कुराकानी भएको जनाइएको छ ।

प्रधानमन्त्री ओलीलाई भेट्नुअघि उनलाई जंगीअड्डामा सम्मान गारद प्रदान गरिएको थियो भने प्रधानसेनापति पूर्णचन्द्र थापासँग दुईपक्षीय हित र सैन्य सहयोगका विषयमा छलफल भएको थियो ।

फेङ्हे आइतबार बिहान साढे १० बजे एक दिने नेपाल भ्रमणमा आएका थिए । विमानस्थलमा गृहमन्त्री रामबहादुर थापा ‘बादल’ले उनलाई स्वागत गरेका थिए ।

चिनियाँ रक्षामन्त्रीद्वारा प्रधानमन्त्री ओलीसँग भेटवार्ताका केही तस्वीर

तस्वीर– प्रधानमन्त्रीको सचिवालयबाट

जंगीअड्डामा सम्मान गारद लगायत भेटवार्ताका केही तस्वीर

तस्वीर- नेपाली सेना