एजेन्सी- जर्मन बुन्डेसलिगा फुटबलमा बायर्न म्युनिखले सहज जित निकालेको छ ।

शनिबार राति भएको खेलमा साविक विजेता बायर्नले स्टुटगार्डलाई ३-१ गोल अन्तरले पराजित गरेको हो ।

स्टुटगार्डको मैदानमा एक गोलले पछि परेको बायर्नले पुनरागमन जित निकालेको हो ।

खेलको २०औँ मिनेटमा टानगुए काउलीबलीले गोल गर्दै घरेलु टोलीलाई अग्रता दिलाएका थिए ।

३८औँ मिनेटमा किंग्सले कोम्यानले गोल गर्दै बायर्नलाई १-१ गोलको बराबरीमा फर्काए ।

४५औँ मिनेटमा रोबर्ट लेवान्डोस्कीले गोल गर्दै बायर्नलाई २-१ को अग्रता दिलाए ।

खेलको ८८औँ मिनेटमा डुग्लास कोष्टाले गोल गर्दै बायर्नलाई ३-१ को जित दिलाए ।

जितसँगै लिग लिडर बायर्नले ९ खेलमा २२ अंक जोडेको छ । स्टुटगार्ड ११ अंक जोडेर लिगको १०औँ स्थानमा रहेको छ ।