काठमाडौं-सानिमा बैंकले डिजिटल काउन्टर संचालनमा ल्याएको छ।

बैंकले साउन १३ गतेदेखि नक्साल स्थित प्रधान कार्यालयमा डिजिटल काउन्टर संचालनमा ल्याएको जनाएको छ।

डिजिटल काउन्टरमार्फत ग्राहकहरुले कारोबार गर्दा चेक बिना नै भुक्तानी प्राप्त गर्न सक्ने बैंकले जारी गरेको विज्ञप्तिमा उल्लेख छ।

यसका लागि ग्राहककले मोबाइल बैंकिङ एप सानिमा सजिलो इ-बैंकिङ प्रयोग गरी नक्सालस्थित डिजिटल काउन्टरबाट क्यू आर स्क्यान गरी भुक्तानी लिन सक्ने बैंकले जनाएको छ।

यसबाट ग्राहकले चेकबुक भर्नुपर्ने प्रक्रिया बिना नै पैसा निकाल्न सक्ने छन्। बैंकले हाल नक्सालमा यो सेवा सुरु गरेको र बिस्तारै थप सुविधाहरु बिस्तार गर्ने समेत बैंकले जारी गरेको विज्ञप्तिमा उल्लेख छ।